ياللى زعلان أ, متضايف اتفضل هنا

(1) مره ولد شاف قطه صغيره فى الشارع قال لاخوه
الولد : انا هاخد القطه دى وأغسلها وأربيها
الاخ : لو غسلتها هتموت

وسابه الاخ ومشى ورجع بعد ساعتين لقى اخوه بيعيط

الاخ : مالك يا حماده ؟
الولد : القطه ماتت
الاخ : مش قولتلك لو غسلتها هتموت !
الولد : ماماتتش وانا بغسلها .. دى ماتت وانا بعصرها

(2) مدرس بيسأل التلاميذ فى الفصل
المدرس : اللى شايف نفسه غبى يقوم يقف
بعد شويه وقف تلميذ
المدرس : وليه بقا يا سيدى شايف نفسك غبى ؟
التلميذ: اصلى محبتش اشوفك واقف لوحدك يا استاذ

(3) الاستاذ : فى اى فصل يسقط المطر ؟
التلميذ: فى الفصل اللى مالوش سقف

(4) التلميذ: بحبك يا أبله وعاوز اتجوزك
المدرسه : بس انا مش بحب الاولاد الصغيرين
التلميذ: وانا مش مستعجل على الاولاد

(5) مره مدرس عربى بيملى التلاميذ
المدرس : " ذهب احمد الى حديقه الحيوان يوم الأربعاء "
التلميذ: الأربعاء بالهمزه على السطر ؟
المدرس : خلاص خليها الخميس

(6) المدرس : ماهى انواع الاقمار ؟
التلميذ: قمر طبيعى _ قمر صناعى _ قمر الدين

(7) المدرس : كم عمر ابوك ؟
التلميذ: والله مش عارف بس هو من زمان عندنا

( Cool

مره طفل بلدياتنا راح للبقال
الطفل : عمو عندك الشيكولاته ام ربع جنيه ؟
البقال : ايوه عندى
الطفل : بكام ؟

(9) طفل كل يوم يروح للبقال
فى اليوم الاول
الطفل : عندك جبنه يا عمو ؟
البقال : ايوه يابنى
الطفل : طيب هاتلى حلاوه
فى اليوم التانى
الطفل : عندك بيبسى يا عمو ؟
البقال : ايوه يابنى
الطفل : طيب هاتلى عصير
البقال زهق وراح يشتكى لوالد الطفل
الاب : متزعلش . المره اللى جايه اضربه .. عندك عصايه ؟
البقال : ايوه عندى
الاب : اديله قلمين

(10) مره ولد بيسأل امه وهى حامل
الولد : ايه ده يا ماما
الام : ده اخوك يا حماده
تانى يوم الولد راح المدرسه
المدرسه بتسأله : انت ليك اخوات ؟
الولد : كان ليا بس ماما بلعته

(11) بنت بتسأل امها
البنت : هو بابا بيعوم يا ماما ؟
الام : بتسألى ليه يا حبيبتى ؟
البنت : اصلى سمعت بابا بيقول للشغاله انا غرقان فى حبك

(12) مره واحد بخيل ابنه بيقوله :
الابن : بابا انا عاوز ربع جنيه
الاب : ايه ! 20 قرش
اجبلك منين انا 15 قرش
معايا 10 قروش
تاخد 5 قروش

(13) طفل بيسأل ابوه
الطفل : بابا هى البيضه بتمشى ؟
الاب : لأ
الطفل : طيب اشمعنه انت لما تيجى تنادى على ماما تقولها تعاليلى يا بيضه ؟

(14) اب شاف ابنه قاعد لوحده سرحان ... فسأله
الاب : مالك يابنى ؟
الابن : عندى مشكله كبيره اوى يا بابا
العيال اللى قدى اللى بلعب معاهم دلوقتى لما يكبروا
هلعب مع مين !

(15) حلاق وابنه بيتفرجوا على ماتش كوره
المذيع : وكوره حلوه شطها بمشط رجله وجت فى المقص
الابن : الحق يا بابا دول بيلعبوا فى العده !

(16) واحد عصبى اتجوز واحده عصبيه يوم الولاده
الولد قال للدكتور : وسع انت .. أبعد .. ملكش دعوه بيا .. انا هنزل لوحدى

(17) واحد بيستهبل اتجوز واحده بتستهبل خلفوا ولد نزل عمل نفسه ميت

(18) واحد اسمر اوى اتجوز واحده سمره اوى خلفوا ولد ابيض اوى
سموه مش ممكن

(19) واحد كريم اوى اتجوز واحده كريمه اوى خلفوا ولد
ادوه للجيران

(20) واحد ندل ابوه طرده من البيت وهو طالع كتب على السور ( مقر حركه طالبان )

(21) واحد ندل وصى ولاده وهو فى غرفه الانعاش يكونوا اندل منه
فصلوا عنه جهاز الاكسجين

هههههههههههه
اضحك وحدى
مادام مش عاجباكم

السلام عليكم ورحمة الله وبركاته بالفعل مجهود طيب وشكرا انك بتضفي على المنتده الروح دي وانا حقولك حاجه على البحاروه

واحد بحراوي بيسأل واحد صعيدي انتو الصعايده مقفلين بتفطرو فول وتتغدوا فول وتتعشوا كمان فول ايه اللي يفرقكم على البهايم
رد الصعيدى وقال اللي يفرقنا عن الباهيم كوبري امبابة

طبعا هوه كوبري امبابة بيفصل وجه قبلي الصعيد عن وجه بحرى
وشكرا

هههههههههههههههه
تسلم ايدك يا ريس
شكرا على المشاركة الرائعة